Колдоо көрсөтүү
KY
RU
EN
TR
Огден НЭШ
(1902-1971), америкалык акын
Тикесинен тик туруп иштегендер эмес, отуруп иштегендер көп айлык алат.
♦ ♦ ♦
Патрик О`РУРК
(1947), америкалык жазуучу
Өкмөткө акча жана бийликти бергенибиз – өспүрүмдүн колуна виски менен короодогу машинанын ачкычын карматкандай кеп.
* * *
Мурда адептүү эркектер автобустагы аялга орун бошотчу. А бүгүн ашкере сыпайыгерчилик көрсөтүп, иш орундарын бошотуп калышты.
♦ ♦ ♦
Уистен Хью ОДЕН
(1907-1973), англис акыны
Жер үстүндө неге жашап жүрөбүз? Башкаларга жардам бериш үчүн. А башкалар жер үстүндө эмне жашап жүрөт?
* * *
ЖАКШЫЛЫКТЫН колунан ЖАМАНДЫК келет, бирок ЖАМАНДЫКТЫН колунан ЖАКШЫЛЫК келбейт.
♦ ♦ ♦
Роберт ОРБЕН
(1927), америкалык сатирик
Аялдардын ичинен эң биринчи «Үстүмө кийе турган эчтемем жок!» деген Ово эненин айтканы гана жыпжылаңач чындык.
* * *
«Бакытты акчага сатып алалбайсың» дегенди кимдер айтат? Бактысы да, акчасы да жоктор.
♦ ♦ ♦
Уилл РОЖЕРС
(1879-1935), америкалык сатирик
Бир жолку революция экинчисин удаа жасачу коктейль сыяктуу нерсе.
* * *
Орусия канчалык туура эмес иш жасабасын, дайыма өзүнүкүн өзү туура деп санаган өлкө.
* * *
Саясый турмушка канчалык көп аралашсаң, ошончолук көп нерсөгө көзүң жетип, партиялардын биринен экинчиси көңүлүңдү суутат.
♦ ♦ ♦
Данил РУДЫЙ
(1926-1983), орус адабиятчысы
Эгер иттер сүйлөгөндү үйрөнсө, адам эң акыркы досунан айрылмак.
* * *
Интеллигенттер – отургучунан жылбай өлгөндөр.
* * *
Колуңда башка курал болбосо, сатирадан башка өткүр курал жок.
* * *
Абийириң таза болсо, бааң ошончолук кымбаттайт.
♦ ♦ ♦
Жорж САНТАЯНА
(1863-1952), америкалык философ
Адабият озуйпасы – ойду окуяга чырмаганда.
♦ ♦ ♦
Томас САС
(1920), америкалык психиатр жана эссеист
Эгер Кудай менен сүйлөшсөң, бул келме. Эгер Кудай сени менен сүйлөшсө, акылдан айныганың ошол.
* * *
Илгеркилер медицинаны магия десе, азыркылар магияны медицина деп жүрөт.
* * *
Дөдөй эчкачан унутпайт да, кечирбейт: баёо унутат, кечирет; акылдуу кечирет, бирок унутпайт.
