(Жарандык активист, агартуучу Асылбек Жоодонбекке арнайм)

Асыл досум, азыр көптөр туйбаган,

Алешемдүү келип калды буй заман.

Куулук-шумдук амалы көп бийликтин,

Шылтоосу көп мыйзамдын да, буйруктун.

Эл маңыроо, оозун ачып тургандан –

Эл башчылар булганганы булганган.

Оңолмоюн ылаң бийлик түзүмү,

Элдин жаба түкүрүшөт жүзүнө.

Калктын канын кайнатышат деспоттор,

Калк каймагы саналганда эс жоктор.

Топ-топ менен камалууда жарандар,

Томоголуу бүркүт сымал караңгал!

Эмне бизде бийлик корккон адат бар:

Эл массасын дүрбөтөт деп каматкан...

Эл бийликке кылалбаса көзөмөл,

Элдин шору өз жолуна төшөлөр...

                            21.01.24