Эртең менен турганда өзүңдү сергек сезип, ишке шымаланып киришүү үчүн атактуулардын акыл сөздөрүн унутпа!

• Ар бир аткан таң – керемет, уйкуң канбай калганы үчүн ал күнөөлүү эмес.
  (Александра Черчень)
• Кечкиге караганда адамга эртең менен туура ойлор келет.
  (Сергей Лукьяненко)
• Мага эртең менен туруп, каалаганыңды кайрадан баштоо мүмкүнчүлүгү жагат.
  (Кристин Армстронг)
• Эгерде ар бир таңда жакшы нерсе болот деген маанай менен ойгонсоң, ал сөзсүз аткарылат!
  (Нина Добрев)
• Аткан таң көйгөйлөр менен башталганы жакшы: алар менен күрөшүүгө бүтүндөй күн бар.
  (Евгений Водолазкин)
• Ар бир таң – жашоону кайра баштоо убактысы.
  (Пауло Коэльо)
• Эртең менен ойгонгондо, кайрадан жашоо мүмкүнчүлүгүн алгандыгыңды ойлон — дем алуу, ой жүгүртүү, ыракат алуу жана сүйүү.
  (Марк Аврелий)

Бул сөздөрдү эртең менен өзүңүз үчүн кайталаңыз, сизди шыктандырып, бүтүндөй күнгө күч-кубат берет..

Жашоого шыктандырар санаттар

Эксперттердин пикиринде: ар бир адам жашоо тууралуу шыктандыруучу сөздөрдү эске алып, колдонушу керек.

• Эч качан өзүң каалаган адам болууга кеч эмес.
  (Жорж Элиот)
• Бүт дүйнө сага каршы туюлса, учак шамалга каршы учарын унутпа.
  (Генри Форд)
• Жашооң канчалык караңгы болбосун, көзүңдү ачып, мүмкүнчүлүктөрдү көрүүгө аракет кыл. Алар ар дайым бар экенин көрөсүң.
  (Ник Вуйчич)
• Канча жай жүрсөң да, токтобой жүргөнүң маанилүү.
  (Конфуций)
• Катачылыктар — бул жашоонун тыныш белгилери, аларсыз текст сыяктуу эле, жашоонун да мааниси болбойт.
  (Харуки Мураками)
• Эгер өзүңдө бар нерсеге көңүл бурсаң, ар дайым көбүрөк аласың. Эгер өзүңдө жок нерсени ойлосоң, сага эч качан жетпейт.
  (Опра Уинфри)
• Жашоо бир жолу берилет, берилген мүмкүнчүлүктү толук пайдалан.
  (Ричард Брэнсон)

• Жашоо маанисин издегенче, андан өзүң табар пайданы ойлон.
  (Фаина Раневская)
• Жашоону карма, бирок муунтпа. Кээде эс ал, анын өз агымы менен өтүшүнө мүмкүнчүлүк берип, кээде андан алдыга чык.
  (Рэй Брэдбери)
• Жашоо — жагдайлардын эмес, өз чечимдериңдин натыйжасы.
  (Стивен Кови)

Аялзатын шыктандырар санаттар

Эксперттердин пикиринде: аялзат үчүн төмөнкү атактуу адамдардын сөздөрү пайдалуу:

• Аялзат өзүнүн чыныгы маңызын табуу үчүн жалгыздык керек.
  (Энн Морроу Линдберг)
• Үй-бүлөнү кантип башкарууну түшүнгөн ар бир аял, өлкөнү кантип башкарууну түшүнүүгө эң жакын.
  (Маргарет Тэтчер)
• Аялзат сулуулугу кийимде, келбетте же чачында эмес. Моймолжуган көздөрүндө. Көз — жүрөктүн дарбазасы, ал жерде сүйүү жашайт.
  (Одри Хепберн)
• Коркуудан арылса, аялдар кесиптик ийгиликке, жеке жашоодо бакытка жетет, бирин же экинчисин, же экөөнү тең тандоо эркиндигине ээ.
  (Шерил Сэндберг)
• Максат – кемчиликсиз болууда эмес, бүтүндүктө.
  (Жейн Фонда)
• Эмоция көрсөткөнүң үчүн эч качан кечирим сураба. Бул сенин боорукерлигиң жана аны көрсөтүүдөн коркпостугуңдун белгиси болсун.
  (Бриджит Николь)
• Эгер өзүңдү сүйбөсөң, сени эч ким сүйбөйт.
  (Алла Пугачева)
• Башкалардын мактоосун издебеген аял — дүйнөдөгү эң коркунучтуу адам.
  (Махадева Нажуми)

Команда үчүн шыктандырар санаттар

Эксперттердин пикиринде: кызматкерлерди ишке шыктандыруу үчүн Жюльетт Биноштун сөздөрү абдан ылайыктуу: «Кесипкөйлүктүн күчү жана кадыр-баркы — бул айланаңда сага эч ким ишенбей калганда да, өзүңө ишенүүнү улантуу».

Команда үчүн төмөнкү атактуулардын айткандары дем-шыгыңды арттырат:

• Жалгыздан аракеттенсек, ийгилик аз; көптүккө салсак, тоо томкоробуз.
  (Хелен Адамс Келлер)
• Чыгармачыл энергия эч түгөнбөйт. Аны канчалык колдонсоң, ошончолук арбыйт.
  (Майя Анжелу)
• Өз-өзүнчө – тамчыбыз. Бирге болсок – океанбыз.
  (Рюноске Саторо)
• Акылың же стратегияң канчалык гениалдуу болбосун, эгер жалгыз ойносоң, команда менен ойногондорго ар дайым уттурасың.
  (Рид Хоффман)
• Биригүү — бул башталыш, бирге болуу — прогресс, бирге иштөө — ийгилик.
  (Генри Форд)
• Эгер өзүңдү шыктандырар иш менен алектенсең, сага түрткү керек эмес. Миссия сени жетектейт.
  (Стив Жобс)
• Мыкты командалык иш — бул карьерабызды аныктаган чоң жетишкендикти жаратуунун жалгыз жолу.
  (Пэт Райли)
• Талант – оюндарды утат, командалык иш жана интеллект – чемпионаттарды утат.
  (Майкл Жордан)
• Ийгиликтин баасы — тынымсыз эмгек, ишке берилгендик, чечкиндүүлүк, биз утсак да, уттурсак да, коюлган максатты аткарууга бардык күч-аракетибизди жумшайбыз.
  (Винс Ломбарди)
• Эгер өзүң аракет кылбасаң, ийгиликке жетпейсиң, көңүлүң чөгөт. Бирок аракет кылбасаң, сен сөзсүз ийгиликке жетпейсиң.
  (Беверли Силлс)

Булак: https://www.nur.kz/leisure/books/1780181-vdohnovlausie-citaty-na-kazdyj-den/

Которгон Абийрбек Абыкаев

Эгер «РухЭш» сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк + 996 700 53 25 85 жана Оптимабанк-4169585341612561.