Жашоодо пайдасы тийчү күлкүлүү афоризмдер жана цитаталар

Сарказм – бул душмандарыңды жыга чаап, досторуңду магниттей тартып ала турган, ошондой эле өзүңө да ачуу тийиши мүмкүн мыскылдуу сөз айкаштары экендигин айтпаганда да, баары эле түшүнө бербеген нерсе. Сарказмды айта алган адамдар өтө акылдуу, тапкыч, кыраакы жана кайраттуу болушат. Жетекчиңизге (анын дарегине) какшык сөздү айтууга аракет кылыңыз, ошондо сиз бул куралдын канчалык эки жактуу экенин дароо сезесиз. Аны билгичтик менен, кылдаттык менен жана чоң акыл менен колдонуу керек.

Сарказм – атаандашыңдын көңүлүн оорутуп, анын ордуна коюу, талаш-тартышта жеңүүнүн куралы деген пикирлер бар. Бул адамды түз эле "өлтүрүү" үчүн колдонулушу мүмкүн болгон эмне деген көмүскө мазактоо. Мейли, балким ошондойдур... Бирок бизге жеткен улуу инсандардын какшык тон менен айткан сөздөрү эч кимди таарынтпайт, тескерисинче, парадоксалдуу маанайдагы нерселердин көз карашын, маңызын чагылдырат. Биздин тандаган афоризмдерде эч кандай кемсинтүүчү фразалар жок. Алар жеңил, шайыр жана жашоого болгон сүйүүнү чагылдырат, бирок аларда сөзсүз сарказм бар.

Конкреттүү автору жок фразаларды ар кандай учурларда колдонсоңуз болот, аларды өзүңүздүкү катары, таасир калтыруу үчүн досторуңуздун алдында да, ал тургай атаандашыңыздын алдында да  айта аласыз. Жаныңыздагы адам акылдуу болсо, сарказм экөөңүзгө тең жакшы маанай тартуулайт. Эң жаман болгон учурда ортоңузда ыңгайсыз жымжырттык өкүм сүрүп, абалыңызды бир аз оорлотот. Досторуңузга бул макалага шилтеме жөнөтүү менен акылдуу какшык цитаталарды бөлүшүүнү унутпаңыз.

                       хххх

"Кээ бирөөлөр кайда барса да бакыт тартуулайт, башкалары кеткен жерлерин бактылуу кылат." – Оскар Уайлд

«Эң зыяндуу нерсе – бул жашоо. Ал баарын өлтүрөт». – Михаил Задорнов

"Атактуу адам - ​​бул атактуу болуу үчүн өмүр бою талыкпай эмгектенип, атакка жеткен соң таанылбас үчүн кара көз айнек тагынган адам." – Фред Аллен

«Адамга баа берүүдөн мурун, анын бут кийимин кийип бир чакырым басып өт. Андан кийин, аны менен эмне ишиң бар? Ал сенден бир чакырым алыстыкта калды, а анын бут кийими сенде!» – Билли Коннолли

«Согуш туткуну – бул адегенде сени өлтүрүүгө аракет кылып, ийгиликке жетпеген, анан сенден аны өлтүрбөөнү суранган адам». – Сэр Уинстон Черчилль

"Орус дарыгерлеринин кыялы – кедейлер эч качан оорубасын, ал эми байлар эч качан айыкпасын". – Михаил Задорнов

"Чынчылдык мыкты саясат болушу мүмкүн, бирок акылсыздык - эң жакшы коргонуу." - Белгисиз автор

"Доктур мага алты ай жашоо берди, бирок мен ал сураган акчаны төлөй албагандан кийин, ал мага дагы алты ай кошту." – Уолтер Маттау

«Адептүү адам – бул жаман иштерди кыйналып кылган адам». – Сергей Довлатов

"Мен ушунчалык акылдуумун, кээде өзүм айткан бир дагы сөздү түшүнбөй калам." – Оскар Уайлд

Дүйнөнү өзгөрткүң келсе, бойдок кезиңде жаса. Турмушка чыккандан кийин телеканалды да алмаштыра албай каласың”. - Белгисиз автор

"Мен спектакль мага жаккандыктан эмес, анын бүткөнүнө кол чаптым." - Белгисиз автор

«Туугандар, мен балдарга ишенбейм. Алар бул дүйнөгө биздин ордубузду ээлөө үчүн келишкен». – Стивен Колберт

"Эгер аял эркекке эң акылдуу экенин айтса, анда ал мындай акмакты эч жерден таппай турганын түшүндүрөт". – Фаина Раневская

"Сарказм - бул адамдар сенин бетиңе жаман сөз айткысы келгенде колдонгон жашыруун тил." - Белгисиз автор

"Тарых бизге бардык башка альтернативалар түгөнгөндө гана адамдар жана элдер акылдарына келишерин үйрөтөт." – Абба Эбан

"Убакыт баарын дарылайт. Бирок аман калган эч ким жок”. – Михаил Мамчич

"Үчүнчү дүйнөлүк согуш кандай курал менен жүргүзүлөрүн билбейм, бирок төртүнчү дүйнөлүк согуш таяк жана таш менен болот." - Альберт Эйнштейн

«Билим — бул адам мектепте окугандын баарын унуткандан кийин калган нерсе». - Альберт Эйнштейн

«Эл эмне деп ойлойт деп кабатыр болбо. Алар көп деле ойлонушпайт." - Белгисиз автор

"Адамдар менен тил табыша билүү чыр-чатактан чарчагандан кийин келет." – Михаил Мамчич

"Сарказм – бул акмактарды байкатпай кемсинтүүнүн ыкмасы". - Белгисиз автор

– Мен баарын билгенгендей өтө эле жаш эмесмин. – Оскар Уайлд

«Андан жакшы адам чыкты. Бирок жаманы кала берди». – Михаил Мамчич

"Чындык шым кийгиче, калп дүйнөнүн жарымын кыдырып чыгат." - Уинстон Черчилль

– Жашоо кыйын, бирок келесоо болсоң андан да кыйын. - Джон Уэйн

"Дүйнөнүн жарымы акмактардан, а экинчи жарымы аларды туура колдоно билген акылдуу адамдардан турат." – Уолтер Керр

"Элдин аягында күлбөңүз -- алар сизди туура эмес түшүнүп жатат деп ойлошот." – Михаил Мамчич

"Эгерде баары жакшы болуп жаткандай сезилсе, анда сизге бир нерсе жетишпей жатат." – Мерфи мыйзамдары

"Баары өзгөрөт. Эл азыр куудулдарды олуттуу, саясатчыларды тамаша катары кабыл алышат». - Уилл Роджерс

"Сүйүүнү акчага сатып ала албайсың, бирок бул сизге эң сонун соода позициясын берет." – Мерфи мыйзамдары

"Эгер сиздин өлүү-тирүү экениңизге эч кимдин иши жок деп ойлосоңуз, бир нече кредиттик же ипотекалык төлөмдөрдү төлөбөй коюңуз." - Белгисиз автор

«Кочкордун жашоосундагы башкы нерсе – короодогу өз ордун табуу». – Михаил Мамчич

"Жиндилик тукум кууйт; сени балдарың жинди кылат." – Сэм Левенсон

"Медициналык ката -- бул доктур менен эсептешкиче оорулуунун тез айыгып кеткени." – Михаил Мамчич

"Жымжырт үй – компьютердин бузулганынын белгиси." - Белгисиз автор

"Кээде мага сен гана бере ала турган нерсе керек: ал сенин жоктугуң." – Эшли Бриллиант

"Саясатчылардан акча булагынан баш тартууну талап кылуу Дракуладан кан берүүнү суранганга барабар." – Кал Томас

«Мен сенин атырың өтө күчтүү деп айтуудан алысмын. Мен жөн эле айтып жатам, канарея сен келгенге чейин тирүү болчу. - Белгисиз автор

"Эгер мени жактырбай жатсаң, таарынбайм деле. Баарынын табити эле жакшы боло бербейт эмеспи». - Белгисиз автор

Беш жашар бала менен сүйлөшүүнүн коркунучтуу жайы -- бул бир аздан соң сиз беш жашар баладай сүйлөй баштайсыз." – Джин Керр

"Мээ - омурткага кошумча жүк." – Станислав Голман

"Баланын кыйынчылыкка кабылуу мүмкүнчүлүгүн эч качан кемите баалабаңыз." – Мартин Мулл

«Мага улгайган эркектер жагат, анткени алар турмуштан көңүлү калганга көнүшкөн. Бул алардын мага чыдоого даяр экенин билдирет». - Белгисиз автор

«Адам адамга ким гана болбойт... бардыгы шартка жараша». – Сергей Довлатов

«Кой короонун кынтыксыз мүчөсү болуу үчүн, адегенде кой болушуң керек». - Альберт Эйнштейн

Үйлөнүү – бул адамга өзүнүн "экинчи жарымын" көзөмөлдөөгө мыйзамдуу укук берген лицензия. – Джесс С. Скотт

Которгон Абийрбек Абыкаев