ТЕМИР КИШЕН

Абакка кабылганда,

Колума темир кишен салынганда –

Мен өзүмдү сездим анык жазуучу:

Эркиндикти эңсеген,

Чыккан үйдөн, кеңседен!

Камалбастан үйүмдөгү бир бурчта,

Камалган оң күрөш үчүн турмушта.

Эркиндикти ким эңсесе – камалат.

Илимпозго, тарыхчыга, акынга,

Ойчулдарга адалат,

Эзелтеден маңдайына буюрган:

Түрмө, өлүм, кыйноолор...

Эркиндикти коргоого

Керек дайым далалат.

Балапанын коргогондой канаттуу,

Тырмагынан жырткычтын

Коркпогондор күрөшөт,

Түрмөлөрдө күн өтөт,

Эркиндикти жүрөктөрдө түнөтөт –

Аң-сезимдер ойгонот.

Эзелтеден Эркиндик

дал ошентип корголот.

Бийлик – жырткыч. Канаттуу куш – гуманист.

Кепилдик жок андан башка

ЭРКИНДИКке урагыс!                 28.09.23