«Акыл-эс калчабастар – фанаттар, аракет кылбастар – акмактар, тилди тишке каткандар – кул».
Жорж Гордон Байрон (1788–1824), англис акыны

«Эрксиз көпөс болгончо, эркин кедей болгонуң артык. Ооба, адам байыгысы келет, эркин болгусу келет, бирок ошонун айынан бечара кулга айланат».
Альбер Камю (1913–1960), француз экзистенциалист жазуучусу

«Кулчулуктан кутулгусу келбегендер кул болууга эки эсе татыктуу».
Жохар Дудаев (1944–1996), Чечнянын аскердик жана саясый ишмери

«Кулчулуктагы жан дүйнөсү эркин адамга урматым артты, а эркиндиктеги кулга жек көрүүм күчөдү».
Гарегин Нжде (1886–1955), Армениянын аскерий-мамлекеттик ишмери

«Жакшыны кул кыла албайсың, жамандар падышалык такка жетсе да кул».
Аврелий Августин (354–430), Гиппон епископу, философ, саясатчы

«Жарака кеткен үй чоң бороонго туруштук бералбайт. Менимче, жарымы кул, жарымы эркин элди башкарган бийликтин да тагдыры опурталдуу».
Авраам Линкольн (1809–1865), АКШнын 16-президенти

«Өз эркиндиги үчүн тобокелге салып күрөшүүгө кайраты жетпеген адам, кул болууга татыктуу».
Георг Гегель (1770–1831), немис философу

«Азга топук кылбаган адам качан болсо кул».
Гораций (б. з. ч. 65–8), римдик акын

«Адам – кул мүнөз, анткени эркин болуу кыйын, а кул болуш өтө оңой».
Николай Бердяев (1874–1948), орус философу

«Көнүмүш адаттарыбызга кулбуз. Адаттарыңды өзгөртсөң, жашооң да өзгөрөт...»
Роберт Кийосаки (1947), Америкалык ишкер, жазуучу жана агартуучу

«Өлүм жөнүндө ой толгоо, демек, эркиндикти унутпаганың. Өлүмдү унутпаган адам, эзели кул болбойт. Өлүмгө даяр болгонуң, бирөөлөрдүн үстөмдүгүнө баш ийбөөгө үйрөтөт. Өмүрдөн ажыроо анчалык деле чоң кайгы эместигин түшүнгөн адамга бул жашоодо эч бир коркунуч жок».
♦     ♦     ♦

«Чындыкты оозанчулар – эркин адамдар, калп айтуу – кулдардын тагдыры». Мишель де Монтень (1533–1592), француз жазуучусу, философ

«Жеткен кул мүнөздөр өз акыбалына ыраазы, себеби ал жан-турпатынан кул болуп көнгөн».
Эдмунд Берк (1729–1797), англиялык саясатчы, публицист

«Эркин болуу үчүн мыйзам кулу болууга тийишпиз».
Марк Туллий Цицерон (б.з.ч. 106–43) байыркы Рим философу, саясатчы

«Дене эркиндигине жетип, дилинде эркиндиги жоктор – кул, денеси таңылуу болсо да рух айбаты өчпөгөндөр – эркин».
♦     ♦     ♦

«Өзүн башкара албаган адам – кул».
♦     ♦     ♦

«Акылдуу кумарга каршы күрөшөт, акылсыз кумардын кулу».

♦     ♦     ♦

«Эркин, эрктүү адамды кул дешке болбойт».
Эпиктет (50–138), байыркы грек философу

«Басма сөздү чектөө – улутту кемсинтүү, кайсы бир китепке тыюу салуу – демек, элди акмакка же кулга теңөө».
Клод Адриен Гельветий (1715–1771), француз жазуучусу, философ

«Табиятынан өзүнө эмес, башкага таандык адамды адам дешке болбойт, анын жетеси кул».
Аристотель (б. з. ч. 384–321), байыркы грек философу

«Система кандайча иштээрин түшүнгөн адам эч качан системанын кулу болоруна ишенбейм».
Уилл Смит (1968-жылы туулган), америкалык актёр, продюсер, рэпер

«Жумуш дей берип, жумуштун кулу болуп калганга жол бербе».
Хаяо Миядзаки (1941), жапон анимация режиссёру

«Кул болуп келишкенин сага караганда негрлер билет».
Даг Стэнхоуп (1967), америкалык стендап-комик.

«Билимге жеткен адам өзүн кадырлайт, кул да билим алса, кулчулук үчүн жаралбаганын түшүнө баштайт».
Дени Дидро (1713–1784), француз жазуучусу, философ

«Кулдар өз кожоюнуна баш ийгендей, наадандар да кумарга баш ийет».
Диоген (б. з. ч. 404–322), байыркы грек философу

«Бийликке кулдар келсе, алар ээсинен ашып түшөт».
Игорь Губерман (1936), советтик жана израилдик жазуучу

«Өзүңдөгү кулчулукту тамчы калтырбай сыгыш керек».
Антон Чехов (1860–1904), орус жазуучусу, драматург

«Бийликке жабышкандын түбүнө бийлик жетет. Дүйнөкордун түбүнө акча, кулдун түбүнө кулчулук, кумарпоздун түбүнө кумар жетет».
Герман Гессе (1877–1962), швейцариялык жазуучу, сүрөтчү

«Бардык адеп-аклаксыздыктын ичинен балдарга кул катары мамиле кылуу – жеткен акмакчылык».
Георг Гегель (1770–1831), немис философу

«Эркин адам түрмөдө деле эркин боло алат, а кулду эркиндикке бошоткон күндө да кул бойдон өтөт».
Николай Левашов (1961–2012), орус жазуучусу, публицист

«Кул эркиндик жөнүндө кыялданбайт, кул башкарсам деп кыялданат».
Борис Крутье (1940), орус жазуучусу

«Кулчулукка эң биринчи кабылгандар – аялзаты. Кулдар пайда болгонго чейин эле аялзаты кул болуп келген».
Август Бебель (1840–1913), германиялык социал-демократ

«Тирандар кулдарды пайда кылгандан мурда – далай тиранды ыктыярчы кулдар канкорго айланткан».
Оноре Габриэль Мирабо (1749–1791), франциялык революция ишмери

Которгон О`Шакир

Эгер «РухЭш» сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк + 996 700 53 25 85 жана Оптимабанк-4169585341612561.