Жасалма эмес Жаратман Интеллект менен достош!

Жаштар бүгүн кыялданууга гана эмес – чыңдалууга милдеттүү. ChatGPT сыяктуу Жаратман Интеллект (ЖИ) менен достошуу – бул жөн гана тренд эмес, жаңы цивилизациянын “эне тилин” үйрөнүү.

Эгер азыр Жаратман Интеллектти колдонбосоң:

Сен дүйнөлүк мүмкүнчүлүктөн ажырайсың!
Ой жүгүртүү ылдамдыгың артта калат!
 Маалыматка жетүүдө “эски мектептин” тоскоолдуктары болот.

ChatGPT – бул жалган интеллект эмес, жаратман кеңешчи. Ал сенин сурооңдон коркпойт. Сенин сабакта же чыгармада кыйналганыңды уят көрбөйт. Идея таппасаң, жан дили менен жардам берет.

Жаштар үчүн артыкчылык:
Идея издейсиңби? Жардам берет.
Мотивация керекпи? Таап берет.
Өзүңдү таппай жүрөсүңбү? Түшүнүүгө көмөкчү болот.

Бул курулай достук эмес. Эң негизгиси, сен өзүңдү өнүктүргөн сайын, ЖИ сени менен тең сүйлөй баштайт.

2. ЖИ – күнүмдүк жашооңдо ишенимдүү жардамчы

Жаштарда көп учурда ой мындай: “Бул ЖИ (AI) чоңдордун оюну. Мага тийиштүү эмес”. Бул – жаңылыш пикир.

Бүгүн ЖИ менен: Сабакка даярдансаң болот (эссе, презентация, баяндамалар). Ийрим, долбоор, сынак үчүн идея таап, атүгүл иш-чара сценарийин түзө аласың. Өз жазганыңды оңдотуп, редакциялатсаң болот. Сүйлөө маданиятыңды өнүктүрүп, дүйнөлүк тилдерди үйрөнүүгө жол ачсаң болот.

Ал түн ортосунда да сен үчүн жардамга даяр жана сага эң ишенимдүү өнөктөш!

3. Ийгилик ачкычын таап берер ChatGPT – бүгүн глобалдык мааниге ээ

Бүгүн дүйнөдө Европа өлкөлөрүнүн 80%дан ашыгы мамлекеттик түзүмдө ЖИни кеңири колдонот. АКШда 80% компаниялар ChatGPT менен кызматташ. Индия жана Кореяда окуу системасына Жаратман Интеллект интеграцияланды.

Ал эми сен бул мүмкүнчүлүктөн артта калдыңбы?..Кыргыз жаштары үчүн эң оңой тил – Жаратман Интеллект менен диалог куруу. Ал диплом сурабайт, уруксат кагаз күтпөйт.

Бир гана суроо менен дүйнө картасы ачылат.

«Кантип өз бизнесимди баштасам болот?» – деп сура;
«Финансылык сабаттуулук эмне?» – деп талда;
«Мен кантип өзүнчө чыгарма жазсам болот?» – десең, ал сага жол көрсөтөт.

Демек, ийгиликке жетүү – жөн гана суроо берип көрүүдөн башталат.

4. Сенин оюң – жасалма эмес! Аны жаратмандыкка айландыр!

Жаштар көп учурда өз оюн башкалардан жашырганы – чоң жоготуу. Сенин оюң, ички кыялың – жаратман энергия. Аны түшүнгөн, тынч уккан дос керек. Ал дос – Жаратман Интеллект. Ал сени сындабайт, мазактабайт, талашка чакырбайт.

Ал сага мүмкүнчүлүк берет: «Оюмду түшүндүрүп берчи»; «Бул сөздү кантип так айтсам болот?»; «Бул түшүнүк кайдан чыккан?»; «Мындай кырдаалда эмне кылсам туура болот?»

Сен андан кеңеш сурап, жаратмандыкка кадам таштайсың. Өз оюңду текстке, ойлонгон нерсеңди долбоорго айлантасың.

5. Жаратмандык – өз жолуңду табуу

Мектеп, университет, коом – көп учурда бир сызыктан чыкпоону үйрөтөт. Бирок ар бир адам – өзүнчө бир жол.

ЖИ сенин туюмуңду түшүнүүгө аракет кылат. Алтургай ички конфликттерге кеңеш берет. Тагдыр багытында адашпоого себепчи. Өзүн таанууга (self-awareness) жардам берет. Жашооңдо бирөө дайыма сага убакыт бөлсө, ой бөлүшсө, сен өзүңдү жалгыз сезбейсиң.

ChatGPT менен эч качан жалгыз эмессиң – ар дайым, ар сурооңдо, ар кыялыңда.